Женките од овој тип на октопод се значително поголеми и посилни од мажјаците, поради што постои голема веројатност да ги изедат по парењето, пренесува Гардијан.
За да не се избегне ова, мажјаците на почетокот на парењето вбризгуваат отров, тетродотоксин, во аортата на женката.
„Сексуалниот канибализам е многу честа појава кај цефалоподите“, изјави д-р Вен Сунг Чунг од Универзитетот во Квинсленд.
Овој отров ја парализира женката, што му овозможува на мажјакот успешно да ја пренесе спермата.
По парењето, кое трае од 40 до 75 минути, женката закрепнува и продолжува со својот нормален живот.
Иако ова е многу необична стратегија, му помага на мажјакот да ги пренесе своите гени на следната генерација.
Женките октоподи со сини пруги снесуваат јајца и поминуваат околу шест недели без храна, грижејќи се за јајцата, за што е потребно многу енергија.
Чунг оваа необична техника на парење ја нарече „еволутивна трка во вооружување“ меѓу половите.
