„Граѓаните“ се загреаја за реваншот против Реал Мадрид со убедлив триумф над Њукасл, избраниците на Пеп Гвардиола пред своите навивачи славеа со 4-0.
Играч на натпреварот беше зимското засилување Омар Мармуш, кој забележа хет-трик.
Египјанецот го отвори резултатот во 19. минута, пет минути подоцна зголеми на 2-0, за во 33. минута да реализира за 3-0.
Конечниот резултат беше поставен во 84. минута, кога Мекати се запиша во листата на стрелците.
На останатите натпревари од 16 часот во Премиерлигата, Брентфорд со 0-1 славеше против Вест Хем, Борнмут со 1-3 го совлада Саутемптон, Фулам забележа победа од 2-1 над Нотингем Форест, додека пак Астон Вила и Ипсвич одиграа 1-1.
