Францускиот претседател, кој беше примен од својот американски колега во Овалната соба, вети разговори насочени кон „траен“ мир и изрази надеж за „силен“ американски ангажман во овој поглед.
Доналд Трамп на прес-конференцијата се пофали со својот „специјален“ однос со францускиот колега и тврдеше дека непријателствата може да се прекинат за „неколку недели“ и додаде дека потпишувањето на договорот со Украина за американскиот пристап до минерали во земјата е „многу блиску“.
Во еден момент, Макрон го прекина Трамп и се вмеша во неговата изјава за испраќање помош за Украина.
Notable moment in the Oval Office where Trump says “Europe is loaning the money to Ukraine” and “they’re getting their money back” when Macron interrupted to say, “No, in fact, to be frank, we paid. We paid 60% of the total effort.” pic.twitter.com/QFzv9WhsIz
— Kaitlan Collins (@kaitlancollins) February 24, 2025
„Само да разберете, Европа ѝ позајмува пари на Украина. Тие си ги добиваат парите назад“, започна Трамп.
Потоа Макрон ја испружи раката и го фати Трамп за да се вмеша.
„Не, всушност, да бидам искрен, плативме. Плативме 60% од вкупната помош. Како и САД, дадовме кредити, заеми, гаранции, дадовме вистински пари“, рече Макрон, додавајќи дека се надева оти преку мировните преговори Русија ќе се согласи со нејзините замрзнатите средства да се вратат заемите што ги дала Европа.
„Ако верувате во тоа, тоа е во ред со мене. Но, тие ќе си ги добијат своите пари, ние не. Но, сега да“, рече Трамп.
