Претседателот на Владата Христијан Мицкоски изјави дека се работи за донација од општествено одговорна компанија која, рече, донирала објект во оваа сума и во општина Теарце за реализација на канализациски проект што треба да заврши со пречистителна станица.
„Ова е чин на голема возбуда и задоволство затоа што од таа гимназија се излезени многу професори, научници, градоначалник“, изјави Мицкоски.
Тој посочи и дека на штотуку завршениот втор повик на Министерството за локална самоуправа, Општина Тетово за проекти добива 11,5 милиони евра и заедно со 3,7 милиони евра од првиот повик – 15 милиони евра.
„Тоа не е само асфалт и бетон туку квалитетен живот на граѓаните, што не се случило во историјата на Тетово и во цела држава“, истакна Мицкоски.
Градоначалникот на Тетово Биљал Касами соопшти дека со реконструкцијата, гимназијата „Кирил Пејчиновиќ“ ќе добие целосно нов лик и нови услови за учениците. Како што рече, двата објекта што ја сочинуваат гимназијата, се најстари во Тетово и „симбол за традиција во градот“.
