Секој проект мора да биде усогласен со барем една од целите за одржлив развој на Обединетите нации, нагласувајќи ја нашата посветеност за поттикнување на глобалното граѓанство и чувството на одговорност кон нашата планета.
„Возбудени сме да го прославуваме успехот на првиот натпревар за проекти ‘Прв чекор’ во Македонија. Над 700 ученици од ПСУ „Јахја Кемал‟ презентираа 320 иновативни проекти во категориите꞉ енергија, инженерство, животна средина како и општествени и хуманистички науки, покажувајќи ја нивната креативност, критичко размислување и страст за правење разлика. Посветеноста и напорната работа на нашите ученици беа навистина инспиративни“, велат од гимназијата.
Првопласираните ќе се натпреваруваат во македонскиот круг на 5 април. Првите тројца победници, исто така, ќе имаат престижна можност да ги изложат своите проекти на меѓународно ниво во Романија, претставувајќи ја Македонија.
