Потпишани се колективни договори со синдикатите на универзитетите: „Гоце Делчев“ – Штип, „Св. Климент Охридски“ – Битола, „Мајка Тереза“ – Скопје, „Св. Апостол Павле“ – Охрид и со Државниот универзитет Тетово.
Собранието во соопштение истакнува дека колективните договори „се важен инструмент за поддршка и понатамошно унапредување на високото образование во земјата“.
„Со овој чекор се воспоставува висок стандард за образование и се создава можност за изградба на поконкурентен систем, каде што правичната евалуацијата на работата на академскиот кадар е една од главните цели. Ова е историски момент за високото образование во земјата, бидејќи сега сите јавни универзитети ќе имаат колективни договори, создавајќи поодржлив и поправичен систем за високо образование“, се наведува во соопштението.
Претседателот на Собранието Гаши им честитал на сите универзитети, академскиот кадар и студентите „за овој заеднички успех и овој важен момент за развојот на високото образование“.
