Новата малопродажна цена на еуродизел БС (Д-Е V) ќе биде 68 денари, а на екстра лесното масло за горење (ЕЛ-1) 67 денари за литар. Еусросупер БС – 95 и понатаму ќе се продава за 72, а еуросупер БС – 98 за 74 денари за литар.
Со одлуката на РКЕ за 0,786 денари по килограм се зголемува и малопродажната цена на мазутот М-1 НС и ќе изнесува 33,885 денари.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек: за 2,433 отсто, кај дизелот за 4,757, кај екстра лесното масло за 3,829 и кај мазутот за 5,973 отсто. Курсот на денарот во однос на доларот по кој беа формирани цените со претходната пресметка е понизок за 1,6498 отсто.
