МНР, како што стои во соопштението оттаму, ги отфрла таквите шпекулации како неточни и контрапродуктивни на напорите на двете земји за надминување на меѓусебните разлики.
„Односите меѓу Република Северна Македонија и Република Бугарија продолжуваат да се развиваат согласно Договорот за пријателство, добрососедство и соработка. Во тие рамки, се преземаат сите потребни активности и ангажмани кои се во согласност со овој Договор, а кои пред сѐ имаат за цел продлабочување и интензивирање на билатералната соработка. Во тој контекст е и најновата иницијатива за организирање на претстојна средба на ниво на шефови на влади, како прв чекор за унапредување на соработката меѓу двете нови влади, внесување на нова динамика во проектите и активностите, а што е од интерес како за двете држави така и за перспективата и безбедноста на регионот и на Европа“, наведува МНР.
Оттаму порачуваат такви чувствителни информации да се проверуваат со цел поквалитетно информирање на граѓаните, но и придонес во насока на поддршка на обидите за надминување на отворените прашања со Бугарија.
