Maкедонскиот прмиер Димитар Ковачевски денеска заминува за Софија каде ќе ја предводи владината делегација во дводневна официјална посета на Република Бугарија во чии рамки е предвидено и одржувањето на мешовитиот состанок на двете влади.
Владината делегација на Република Северна Македонија е предвидено да пристигне во попладневните часови во текот на денешниот ден, кога ќе биде свечено пречекана со церемонија со највисоки државни почести на плоштадот „Александар Невски”.
За утре планирана е и средба со бугарскиот претседател Румен Радев.
Како дел од македонскатра делегација се и министрите Артан Груби, Фатмир Бетиќи, Славица Грковска, Бујар Османи, Крешник Бектеши, Љупчо Николовски, Јетон Шаќири, Горан Милевски, Бисера Костадиновска-Стојчевска, Благој Бочварски, Насер Нуредини, Адмирим Алити, Мартин Попов, шеф на кабинетот на премиерот и Едмонд Адеми, советник за надворешни работи на премиерот.
