Според ова итражување најтранспарентниот универзитет во државата е универзитетот на Југоисточна Европа – 19,3 поени од максималните 21. Второто место, со речиси идентични резултати и висок степен на транспарентност, го делат универзитетот „Св. Кирил и Методиј“ – Скопје – 18,1 поен и универзитетот „Гоце Делчев“ – Штип – 18,1 поен.
По нив следи универзитетот „Св. Апостол Павле“ – Охрид – 15,3 поени, кој влегува во категоријата на средна транспарентност.
Со низок степен на транспарентност, се оценети универзитетот „Св. Климент Охридски“ – Битола – 14,3 поени и универзитетот „Мајка Тереза“ – Скопје – 11,1 поен.
Најмалку транспарентен останува Универзитетот во Тетово – 9,1 поен, кој речиси воопшто не објавува финансиски информации ниту други задолжителни документи.
Индексот ја мери формалната транспарентност на универзитетите преку објавување документи на нивните веб-страници и преку пристап до информации по службени барања. ФОП препорачува зголемување на финансиската транспарентност, редовно објавување документи и континуирано ажурирање на веб-страниците во формати достапни за јавноста.
Овие институции се оценувани од 0 до 21 поен: 0–10 поени означуваат нетранспарентност, 11–14 поени низок/делумен степен на транспарентност, 15–19 поени средна транспарентност и 20–21 поен целосна транспарентност.
