На тестирањето за стипендии ќе се одговара на прашања од математика, општа култура и на прашања за проверка на интелигенцијата. Тестирањето за стипендии ќе се полага на Македонски, албански, турски и на англиски јазик. За тестирањето не е задолжително познавање на англискиот и на турскиот јазик.
Доколку учениците се рангираат на првите 25 места на тестирањето ќе добијат попусти од износот на школарината – за 1 место 100%, за 2 место 90%, 3 место 80%, 4 место 70%, 5 место 60%, 6 место 50%, 7-8 место 40%, 9-10 место 30%, 11-20 место 20%, и 21-25 место 10%.
Тестирањето за стипендии ќе се одржи на 13 април (недела) во 11 часот.
За ПСУ „Јахја Кемал”- Скопје тестирањето ќе се одржи во самото училиште, а во другите градови како што следува: ООУ „11 Октомври“ – Куманово, ООУ „Ванчо Прке“ – Штип, ООУ „Блаже Конески“ – Велес и ООУ „Видео Подгорец“ – Струмица. ООУ „Кочо Рацин“ – Прилеп, ООУ „Св. Климент Охридски“ – Битола.
За ПСУ „Јахја Кемал” – Тетово-Боговиње тестирањето ќе се одржи во самото училиште, и во ООУ „Исмаил Ќемали“- Гостивар.
За ПСУ „Јахја Кемал”- Струга тестирањето ќе се одржи во самото училиште, а во другите градови како што следи: ООУ „Санде Штерјоски“ – Кичево и ООУ „Пенестиа“ – Дебар.
