„Oд вчера пожарот од Струмичко е навлезен во Берово, поточно на планината Готен. Од страна на ТППЕ- Берово е излезено на терен, како и Македонски шуми. Имаме подршка и од Армијата. Ветерот си го прави своето, голема е огнената линија. Се става сè што може под контрола, меѓутоа огнената линија е голема. Се работи за нискостеблеста деградирана букова шума, дел дабова шума, различен е теренот“, вели Гошевски.
Во реонот каде што гори шума има викендици, пчеларници, стари колиби.
„Пожарот е точно на тромеѓето помеѓу Општина Берово, Општина Василево и Општина Радовиш, а истиот е навлезен во наведените општини“, вели Гошевски.
Тој додаде дека на терен од страната на Берово има над 100 лица, од институциите и доброволци. Колкава површина е изгорено ќе се утврдува дополнително.
