Манчестер Сити под водство на Пеп Гвардиола го живее најлошиот период. За шпанскиот стратег ова веќе одамна е најцрна серија.
Но, денешниот пораз не е изненадување, Ливерпул игра во фантастична форма, а Сити на Енфилд пристигна во очајна состојба.
Ливерпул уште од првата минута тргна силно, со висок пресинг, се редеа шанси за гол, а единствен кој реализираше беше Гакпо по асистенција од Салах. 1-0 беше на полувремето.
Во вториот дел Ливерпул продолжи да креира шанси, Салах пропушти неверојатна можност откако излезе сам пред голманот Ортега.
Египетскиот фудбалер сепак го заврши мечот со гол откако доби шанса од пенал во 78. минута. Реализираше за 2-0.
