„САД исфрлија од колосек цела низа договори за контрола на оружјето и неширењето, и сега се подготвени, веќе се појави загриженост во врска со ова, да посегнат по еден од клучните елементи на глобалната безбедносна архитектура, а тоа е Договорот за неширење на нуклеарното оружје. Конкретно, видовме дека таквите ризици постојат како резултат на обидите да се изземе англо-саксонскиот нуклеарен проект во воениот блок АУКУС, за кој тие веќе настојуваат да ги вклучат Јапонија и Јужна Кореја“, истакна тој.
„Одбивањето на претставниците на САД и на НАТО искрено да разговараат за иницијативата за правно обврзувачки безбедносни гаранции, што претседателот Путин ја изнесе во декември 2021 година, е алка во истиот синџир“, додаде Лавров.
Рускиот министер рече и дека Западот, пумпајќи ја Украина со оружје, го разгорува конфликтот и ја зголемува опасноста од конфликт меѓу нуклеарните држави.
Западот, како што предупреди, ги игнорира сите сигнали на Русија за опасноста оружјето што му се доставува на Киев да се прошири низ целиот свет.
Шефот на руската дипломатија посочи дека западните земји се фокусирале на уништување на безбедносната архитектура во азиско-пацифичкиот регион и на формирање воени блокови во тој регион.
„Тие се решени да ја уништат инклузивната безбедносна архитектура во азиско-пацифичкиот регион заснована на консензус, со цел форсирање на инфраструктурата на НАТО“.
Западот едногласно бара повторно воспоставување на демократијата во Нигер иако го игнорираше државниот удар во Киев во 2014 година, рече Лавров.
„Погледнете како Западот сложно реагира на државниот удар во Нигер, барајќи обнова на демократијата“, рече тој, додавајќи дека западните земји речиси и не реагирале на смената на легитимната влада во Украина преку „крвавиот пуч во Киев што беше оркестриран од Вашингтон и Брисел во февруари 2014 година“.
Има безброј примери за такво лицемерие и двојни стандарди, изјави Лавров, пренесува Спутник.
