„Во моментов е отворена истрага, поведена е постапка, истражителите работат. Би предложил да се фокусираме на фактите, а не на она што го пишуваат западните медиуми“, изјави шефот на руската дипломатија за ТВ „Русија 1“.
Приватниот авион „ембраер легаси“ се урна на 23 август во близина на селото Куженкино во Тверската област. Во него имаше десет луѓе, меѓу кои и тројца членови на екипажот. Според прелиминарните информации, сите загинале.
На списокот на патници што го објави Федералната агенција за воздушен транспорт, во авионот се наоѓал и Јевгениј Пригожин, шеф на групата „Вагнер“.
