Предавањето е организирано од Меѓународен балкански универзитет (МБУ), во соработка со Меѓународниот центар Алијанса на цивилизациите (ICAC).
„Настанот претставува уникатна можност за академската заедница и пошироката јавност да слушнат и да дискутираат со проф. Јосиповиќ на тема која ретко се отвора во академски контекст – врската помеѓу музиката и политиката“, соопштија организаторите.
Проф. д-р Јосиповиќ, покрај неговата државничка кариера, е познат како правен експерт и композитор со уметничко портфолио кој неодамна ја објави неговата опера „Ленон” инспирирана од последните часови од животот на Џон Ленон. Неговото предавање ќе понуди длабински увид во интеракцијата помеѓу уметноста и политиката, преку призмата на неговото лично и професионално искуство.
Настанот е отворен за јавноста и претставува дел од пошироките активности на МБУ и ICAC за промоција на академскиот дијалог и интердисциплинарната соработка.
