Меѓу ранетите има и девет деца, но се очекува сите да закрепнат. Полицијата соопшти дека уапсила тројца осомничени во врска со престрелката.
Истрелите биле испукани западно од Унион стејшн, железничката станица во центарот на Канзас Сити, каде што завршила парадата околу 14 часот по локално време. На лице место имало илјадници луѓе.
#BREAKING: Gunfire erupts at the end of the Super Bowl parade in Kansas City, MO #Missouri #KansasCity
pic.twitter.com/1E9Pd7rxDx— ZoomCenter (@ZoomCenter) February 14, 2024
Локалните извештаи велат дека играчите на Канзас Сити Чифс сè уште биле на сцената кога одекнале првите истрели. Престрелката ја принуди толпата, вклучувајќи го градоначалникот и неговото семејство, да побегнат во засолниште.
Шефот на полицијата во Канзас Сити Стејси Грејвс рече дека полицајците веднаш реагирале и брзо отвориле истрага. Пожарникарите се вклучиле и им пружиле помош на повредените.
BREAKING: One person is dead and nine are injured after a shooting in Kansas City, Missouri, following the parade and rally celebrating the Chiefs’ Super Bowl win, according to the Kansas City Fire Department. https://t.co/Vd6yZpJVLL pic.twitter.com/ohnoOOm8Kq
— ABC News (@ABC) February 14, 2024
Повеќе од 800 полицајци веќе биле на местото на настанот за да ја следат парадата, соопштија официјални лица. На прес-конференцијата одржана по нападот, началникот на полицијата Грејвс изјави дека биле застрелани вкупно 22 лица, од кои еден е мртов, а три лица се уапсени.
Локална радио станица објави дека една од нивните диџеи, Лиза Лопез, мајка на две деца, била убиена во пукањето. Преживеаните жртви се пренесени во три локални болници, изјавија официјални лица, а застреланите кои биле во критична состојба биле пренесени во болница во рок од 10 минути по пукањето.
Девет деца, на возраст од шест до 15 години, со прострелни рани се лекуваат во детската болница Мрси, изјави главната медицинска сестра Стефани Мајер. „Единствениот збор што би го користела за да го опишам она што го видовме и како се чувствуваа кога дојдоа кај нас е страв“, додаде таа.
Локалните болници соопштија дека ги лекуваат и луѓето кои не биле застрелани, но претрпеле други повреди во стампедото што следело по пукањето. Градските власти не ги објавија имињата на ниту една жртва. Тие исто така не споделија никакви информации за уапсените осомничени, вклучително и потенцијален мотив.
Американската ТВ станица КТЛА објави видео на кое се гледа како во стампедото кое настанало по пукањето, неколку навивачи се фрлаат врз еден од осомничените напаѓачи и го држат под контрола додека не дошла полицијата.
Полициски извор за Си-би-ес њуз изјави дека пукањето изгледа било резултат на расправија која прераснала во насилство. Изворот рече дека не станува збор за тероризам. Полицијата соопшти дека го истражува мотивот и собира физички, но и дигитални докази. Тие побараа од сите сведоци или поединци кои имаат информации да контактираат со полицијата.
