Тајната служба поставила метални огради високи 2,5 метри и околу Капитол, комплексот на министерството за финансии и резиденцијата на потпретседателката Камала Харис, а најавено е дека ќе бидат поставени и други физички мерки за безбедност. Огради ќе бидат ставени и пред конгресниот центар во Вест Палм Бич на Флорида, каде поранешниот претседател и кандидат за уште еден мандат Доналд Трамп ќе се наоѓа за време на изборите.
Полицијата најави затворање на патиштата и ограничување на паркирањето во Вашингтон бидејќи Камала Харис ќе ја мине изборната ноќ на Универзитетот Хауард, каде студирала.
Откако Трамп пред четири години одби јасно да го признае изборниот пораз, негови поддржувачи упаднаа во Капитол.
