Портпаролот на Кремљ Дмитриј Песков одговори на прашањето дали спремноста на Путин да разговара со Трамп значи дека е спремен да ги смени барањата. Путин во средата во Сочи кажа дека е отворен за разговори со лидерот на американските републиканци кој во вторникот победи на претседателските избори.
„Претседателот никогаш не кажа дека се менуваат целите на специјалната воена операција. Токму спротивното, повеќе пати повтори дека тие остануваат исти“, кажа Песков. „Сето тоа се однесува на безбедносните интереси на нашата земја, безбедносните интереси на рускиот народ кој тука живее. Затоа не станува збор за промени“.
Путин руските барања ги кажа на 14 јуни: Украина мора да се откаже од амбициите за членство во НАТО и да ги повлече сите војници од териториите на четирите украински региони кои Русија ги анектираше.
Киев ги отфрли, прогласувајќи ги за фактичка капитулација.
