„Неколку пати рековме дека, според нашите прогнози, ќе се појави замор во овој конфликт – растечки замор во голем број земји со ова целосно апсурдно спонзорство на режимот во Киев, вклучително и во САД“, рече портпаролот на Кремљ Дмитриј Песков.
„Овој замор ќе доведе до фрагментација на политичкото раководство и зајакнување на противречностите“, рече тој, пренесе агенцијата ТАСС.
Песков рече дека преговорите за буџетот во САД и блокадата во Конгресот за нова финансиска помош за Украина се само привремени. „Америка, се разбира, ќе продолжи да биде вовлечена во овој конфликт и ќе биде практично директно вовлечена во него“, рече тој.
Во Европа, сите очи сега се вперени во Словачка, каде левата популистичка партија на Роберт Фицо победи на изборите овој викенд. Словачка досега беше еден од најцврстите воени и политички поддржувачи на Украина, но Фицо рече дека ќе престане да испраќа оружје доколку стане премиер. Песков рече дека тоа не значи дека Фицо ѝ е наклонет на Русија.
Тој додаде дека има обид секој политичар кој се залага за суверенитетот и интересите на својата земја да се етикетира како проруски. „Но, тоа е апсурдно“, рече тој. Во интерес на Русија е на власт да дојдат поискусни политичари кои имаат „трезвен“ поглед на ситуацијата.
