Коцевски истакнал дека е од огромна важност финансиската независност на обвинителството, но и индивидуалната независност на јавните обвинители во постапувањето.
„Промовирањето на култура на интегритет во обвинителството е уште една од моите заложби како нов државен обвинител. Во оваа насока не само што сметам дека неопходно е доследно почитување на етичките правила и принципи од секој обвинител поединечно, туку неопходно е и санкционирање на прекршителите со цел да се зачува интегритетот на институцијата како целина“, рече Коцевски.
Тој ја потенцира важноста на истражните центри и на процесот на дигитализација во зголемување на независноста.