Но, како поединци, и ние придонесуваме за емисиите на затоплување на планетата. Еве неколку работи што можете да ги направите за да го намалите личното влијание.
Од инсталирање топлинска пумпа до намалување на греењето, има многу промени што можете да ги направите низ домот кои можат да ѝ помогнат на планетата.
„Префрлувањето од систем за греење на гас или нафта на електрична топлинска пумпа прави значителна разлика“, според д-р Нил Џенингс од Империал колеџ во Лондон.
„Секојдневното исклучување на светлата и апаратите кога не се во употреба може да ни помогне да заштедиме пари и да го намалиме нашето влијание врз климатските промени“.
Подобрувањето на изолацијата на нашите ѕидови, тавани и прозорци може да ја намали загубата на топлина од нашите домови. Со овие промени потребна е помала енергија за да се загреат на иста температура, воедно и намалување на емисиите на стакленички гасови и заштеда на пари.
Глобалниот прехранбен систем генерира 25-33 отсто од емисиите на стакленички гасови, црвеното месо како говедско и јагнешко имаат најголемо јаглеродно влијание. Намалувањето на потрошувачката на црвено месо може да го намали влијанието врз климата. Сепак, влијанието на храната врз животната средина варира врз основа на производството и потеклото.
Транспортот е одговорен за приближно една четвртина од сите емисии на стакленички гасови поврзани со емисиите на гасови низ светот.
Според д-р Џенингс, живеењето без автомобили може да биде „највлијателната работа што можеме да ја направиме за да ги намалиме штетните емисии од транспортот“. Сепак, отфрлањето на автомобилот не е можно за секого, особено ако живеете во област без добар јавен превоз или ако сте инвалиди.
Малите активности сè уште можат да имаат влијание, како пешачење и возење велосипед до локалните продавници или споделување патувања со автомобил со пријателите или соседите.
Вашиот јаглероден отпечаток (мерка за количеството на јаглерод диоксид и други јаглеродни соединенија што се испуштаат поради потрошувачката на фосилни горива од одредена личност или група) може значително да го намалите со префрлање на електричен автомобил.
Еден пар на некои видови фармерки може да произведе повеќе од 30 килограми еквивалент на јаглерод диоксид во текот на нивниот животен век, земајќи го предвид производството, транспортот и перењето.
Јаглеродниот отпечаток на различни видови облека значително варира од случај до случај – па што и колку купувате може да направи разлика.
Можете да го ограничите вашето влијание со поправка на помали дефекти во облеката наместо да ги замените, да донирате наместо да фрлате и да изберете предмети со повисок квалитет за кои мислите дека ќе траат подолго.
