Бачелет во понеделникот стигна во Кина во шестдневна посета и се очекува да го посети западниот регион Синџијанг, во кој кинеската влада се соочува со обвинувања за масовно малтретирање, присилна асимилација, присилна работа и присилна стерилизација против муслиманските малцинства.
„Кога станува збор за човековите права, ниедна земја не е совршена, нема потреба „проповедници“ да глумат шефови во други земји, а уште помалку треба тоа прашање да се политизира, да се практикуваат двојни стандарди или да се користи како изговор за мешање во внатрешните работи на други земји“, кажа Си.
Се очекува Бачелет да ги посети градовите Кашгар и Урумки во Синџијанг, соопшти кинеското министерство за надворешни работи.
