Според директниот пренос од локацијата за вселенско лансирање Венчанг, лансирањето се случи во 21:22 часот по пекиншко време преку ракетата Чангженг 7.
Леталото ќе отиде до станицата за да достави опрема и храна, вклучувајќи 70 килограми овошје и лични работи на астронаутите, како и 1,75 тони гориво.
Пред два дена експериментално кинеско летало се врати на Земјата откако помина 276 дена во орбитата, со што заврши пробната мисија на кинески летала за повеќекратна употреба.
Според Ројтерс, леталото слетало во центарот за лансирање Џичуан во северозападниот дел на земјата.
Се додава дека не е прецизирано за какво летало се работи, какви технологии се тестирани, колку високо летало и која била рутата на неговото патување, бидејќи било лансирано во почетокот на август 2022 година.
Тестот означи „важен“ напредок во кинеското истражување на технологијата на вселенски летала за повеќекратна употреба, која ќе обезбеди поудобен и поевтин начин за монтирање на идните вселенски мисии, објавија кинеските државни медиуми.
Коментаторите на кинеските социјални мрежи шпекулираат дека Пекинг развива вселенско летало слично на американското.
