Севернокорејскиот лидер изјави дека САД и други западни земји кои ја поддржуваат Украина намерно ја продолжуваат војната во Источна Европа. Ким за време на посетата на министерството за одбрана во Пјонгјанг кажа дека тие земји „имаат нереален сон за стратегиски пораз на Русија“.
Кремљ ја интензивираше својата одбранбена индустрија и значителен дел од државниот буџет пренасочи на оружените сили. Западните експерти го доведуваат во прашање колку долго руската економија ќе може да го поднесе актуелното ниво на одбранбените трошоци. „Нашата војска и народот секогаш ќе ја поддржуваат и охрабруваат праведната кауза на руската војска“, изјави Ким.
Ким во изјавата кој вчера ја пренесе државната новинска агенција КЦНА кажа: „Зад воената машинерија која ја поттикнува трагичната ситуација во Украина, која трае веќе три години и предизвикува сериозна загриженост на светската јавност, стојат САД – ентитет кој носи фиксна ознака на уривач на глобалниот мир и стабилноста“.
Украинскиот претседател Володимир Зеленски тврди дека севернокорејски војници се повторно на боиштето. „Нови напади се случија во области на Курската операција – руската војска ги врати севернокорејските војници“, кажа тој.
