Трудо, во говорот пред советодавниот совет за канадско-американските односи, рече дека земјата се наоѓа во критичен момент.
„Подготвени сме на одговор – наменски, силен, но во исто време разумен и непосреден одговор. Тоа не е она што го сакаме, но ако тој почне да делува, ќе го направиме и ние “, рече тој во изјави за телевизија, додавајќи дека сите опции се на маса.
Канада испраќа 75 отсто од своите извозни стоки и услуги во САД, а доколку Трамп ги исполни своите закани за царини, канадската економија ќе биде сериозно погодена.
„Нема да користам меки зборови, но морам да ве предупредам дека нашата нација може да се соочи со тешки времиња во деновите и неделите што следат“, изјави Трудо.
„Знам дека Канаѓаните можеби се вознемирени и загрижени, но сакам да знаат дека федералната влада и сите нејзини вработени стојат цврсто и решително“, заклучи тој.
