ЈО предложи притвор за осомничената која избегала откако удрила во пешак

Јавен обвинител од Основното јавно обвинителство Скопје поведе постапка против осомничена за кривично дело – загрозување на безбедноста на сообраќајот од член 297 став 1 и неукажување помош на лице повредено во сообраќајна незгода од член 301 став 1 од Кривичниот законик.

Објавено на

1.02.2025 18:32

часот

Сподели

Осомничената 42-годишна скопјанка на вчера со автомобил „цитроен Ц1” со скопски ознаки на пешачки премин на раскрсницата на булеварот „Кузман Јосифовски – Питу”. со улицата „Бојмија” удрила во 38-годишен пешак, кој од ударот добил телесни повреди и бил пренесен во Клиничкиот центар каде му била укажана помош, па бил пуштен на домашно лекување. Осомничената, по несреќата, веднаш го напуштила местото без да му укаже помош на повредениот што исто така е кривично дело кое и се става на товар.

Имајќи ги предвид сите околности, а пред се фактот што осомничената практично побегнала од местото на извршување на делото без да помогне на жртвата и подоцна не се пријавила сама, јавниот обвинител оцени дека е потврдена опасноста таа да се обиде да ја избегне постапката и кривичната одговорност, па на Основниот кривичен суд Скопје му предложи да определи мерка притвор за нејзино обезбедување, соопшти Јавното обвинителство.

ТОП ВЕСТИ

СДСМ: Скандал во Шутка, Јованов кој ја прегази Фросина добил мобилен телефон