„Јавен обвинител од Основното јавно обвинителство Скопје изврши увид на лице место во близина на Блаце, каде беше пронајдено безживотно тело на маж со прострелни рани. При увидот подигнати се траги кои ќе бидат предмет на вештачење. Издадена е наредба за обдукција на телото на починатиот, а јавниот обвинител даде насоки да се извршат проверки и да се преземат дејствија за обезбедување на докази“, стои во соопштението.
За пожар во угостителски објект во Чаир, од ЈО велат дека увид извршила увидна екипа на Министерството за внатрешни работи.
„Подигнати се траги од лице место, обезбедени се снимки од видео надзор. Според првичните сознанија, пожарот е подметнат. Се постапува за откривање на сторителите и за проверка на евентуална поврзаност на двата настани, дополнуваат оттаму.
Вчера во Блаце беше убиен З.Т. (56) татко на Гани Туша, еден од осомничените за убиствата од пресметките на криминалните банди Дуќанџик и Барон на скопското нарко подземје. Пред вчерашното убиство гореше и кафулето Барон во Чаир, местото каде што се среќавале членовите на таа банда.
