„Беше тоа најголемиот тунел кој го најдовме во Газа, чија намена е да се нападне преминот (Ерез)“, кажа портпаролот на Израелските одбранбени сили (ИДФ), контраадмиралот Даниел Хагари, но не прецизираше дали Хамас тој тунел го користел за нападот на Израел на 7 октомври.
Војската на новинарите им го покажа влезот во тунелот скриен во песочна дина, за кој тврдат дека претставува водечки проект на Хамас.
„Милиони долари се вложени во овој тунел. Биле потребни години за неговата изградба. Низ него можат да минуваат возила“, додаде Хагари.
EXPOSED: The biggest Hamas terrorist tunnel discovered.
This massive tunnel system branches out and spans well over four kilometers (2.5 miles). Its entrance is located only 400 meters (1,310 feet) from the Erez Crossing—used by Gazans on a daily basis to enter Israel for work… pic.twitter.com/RcjK5LbvGL
— Israel Defense Forces (@IDF) December 17, 2023
Тој ја процени целосната должина на тунелот на четири километри, се спушта 50 метри во длабочина и висок и широк е три метри, што е доволно да се дојде до градот Газа.
Хагари на новинарите им покажа и видео снимка од Мохамед Синвар, братот на лидерот на Хамас, Јахја Синвар, како седи на совозачко место во возило, за кое тврди дека се движело кон тунелот.
Досегашните подземни премини кои израелските сили им ги покажуваа на медиумите беа тесни и ниски, и низ нив можело да се мине само пешки, пренесува Ројтерс.
