Снимката на која се гледаат војници кои се смеат и јадат во иста просторија во која се сместени најмалку седум Палестинци со заврзани очи за два дена стана вирална на интернет.
„Однесувањето на војниците е за осуда и во остра спротивност со вредностите на Израелските одбранбени сили (ИДФ)“, кажа израелски воен портпарол.
Video shows Israeli officers and soldiers invading a house in Jenin City, rounding up several Palestinian detainees, mistreating them, smoking nargila, eating potato chips after killing 12 Palestinians in Jenin Refugee Camp last week. pic.twitter.com/KGWKjY86Lm
— Local Focus – Security Alerts (@LocalFocus1) December 17, 2023
По сослушувањето војници се суспендирани на неодредено време, додаде портпаролот.
Снимката е направена во градот Џенина на окупираниот Западен брег, и ја погледнале два милиони корисници на социјалните мрежи.
На интернет кружат уште неколку видеа и фотографии кои прикажуваат израелски војници како претресуваат куќи, уништуваат стока во продавници, обидувајќи се да запалат залихи храна и извикуваат расистички пароли во Појасот Газа.
Како што наведува Асошиејтед прес, таквите снимки ѝ создаваат главоболки на израелската војска соочена со меѓународни критики поради својата тактика и растечкиот број цивилни жртви во борбата против Хамас.
На таквите снимки Израелците ги креваат рамењата бидејќи го одразуваат националното расположение и големата поддршка за војната во Газа и немањето сочувство за маките на тамошните жители.
