Во ноември, Израел и Хезболах се согласија на прекин на огнот со посредство на САД и Франција, со што стави крај на повеќе од едногодишниот конфликт.
Врз основа на договорот, израелските сили треба да се повлечат од Либан и Хезболах од југот на земјата во рок од 60 дена, рокот истекува следниот понеделник наутро.
„Имаше позитивен развој на настаните каде либанската армија и УНИФИЛ (мировните сили на ОН во јужен Либан) го зазедоа местото на силите на Хезболах, како што е предвидено во договорот“, изјави за новинарите портпаролот на израелската влада, Дејвид Менсер.
Тој додаде дека јасно било наведено дека движењето не е доволно брзо, дека има уште многу работа и потврди дека Израел сака договорот да продолжи.
Како што пренесува Ројтерс, Менсер не одговорил директно на прашањето дали Израел побарал продолжување на договорот и дали израелските сили ќе останат во Либан по истекот на рокот од 60 дена.
Тројца дипломати рекоа дека израелските сили и понатаму ќе бидат во делови од Либан.
Либански политички извор изјави дека либанскиот претседател Џозеф Аун разговарал со американските и француските официјални лица за да побараат од Израел да го заврши повлекувањето во предвидениот рок.
Либанската влада им порача на американските посредници дека во спротивно ќе го комплицира распоредувањето на либанската армија и ќе биде удар за дипломатските напори и оптимистичка атмосфера во Либан откако Аун беше избран за претседател на 9 јануари.
Израелските медиуми објавија дека Израел побарал од САД дополнителни 30 дена за да ги повлечат своите војници од јужен Либан бидејќи либанската армија бавно се распоредува и израелските сили сè уште наоѓаат складишта за оружје на Хезболах.
Повикувајќи се на информирани извори, Хаарец пренесува дека САД и Франција разговараат за бараното продолжување и дека Франција не се противи доколку другите страни се согласат.
Меѓутоа, израелското воено радио објави дека администрацијата на американскиот претседател Доналд Трамп е помалку склона да го продолжи рокот отколку неговиот претходник Џозеф Бајден и бара целосно повлекување до недела.
