Како што соопшти државното Јавно обвинителство, на 12 септември тој влегол во обложувалница на улицата „Никола Тримпаре” во Скопје и со опасно орудие – скалпел се заканил по животот на една вработена и одзел 211.680 денари од сефот и касата.
На 14 септември, на сличен начин, од обложувалница во трговскиот центар „Лептокарија” во Скопје, заканувајќи се со скалпелот на еден вработен, одзел 80.250 денари.
„Бидејќи постои опасност од бегство, можност да ја попречува постапката и да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот“, информира ЈОРСМ.
