„Се работи за изолиран инцидент, лоциран на подземните нивоа во трговскиот центар. Надлежните служби вршат увид во моментов на местото на настанот, но трговскиот центар продолжува со утврдениот нормален режим на работа до 22 часот.
Трговскиот центар е обезбеден со соодветно физичко обезбедување и технички системи за безбедност и мониторинг наменети за обезбедување на сигурноста и безбедноста на посетителите“, соопшти Ист гејт мол.
Попладнево во овој трговски центар две лица беа повредени, откако врз нив се пукало, по што повредените биле пренесени во болница за укажување медицинска помош.