Се верува дека ова е првото официјално соопштение на милитантната група за судбината на поранешниот водач откако турскиот претседател Таип Ердоган во април изјави дека турските разузнавачки сили го убиле во Сирија. Ердоган тогаш рече дека турската национална разузнавачка организација долго време го гонела Кураиши.
Портпаролот на Исламската држава изјави дека Кураиши бил убиен за време на вооружена борба со Хајат Тахрир ал-Шам (ХТС), исламистичката група која ја држи власта во последниот опозициски бастион во северозападна Сирија.
„Шеикот (Кураиши), Бог да го смилува, беше убиен откако (ХТС) се обидоа да го фатат. Тој се судри со нив со оружје додека не умре од раните“, изјави тој. Така, тој ја обвини ривалската исламистичка група дека дејствува како агент на турската разузнавачка служба.
Инаку, Абу Хусеин ал-Хусеини ал-Кураиши ја презеде функцијата во ноември 2022 година, откако неговиот претходник исто така беше убиен во Сирија.
Исламска држава, сенка на организацијата која некогаш владееше со третина од Ирак и Сирија, не објави детали за својот нов лидер.
Движењето го достигна својот врв во 2014 година кога тогашниот лидер Абу Бакр ал-Багдади ја прогласи територијата под нивна контрола за калифат.
Ал Багдади беше убиен во 2019 година за време на американска воена операција во Сирија.
Милитантите на Исламска држава сè уште продолжуваат со бунтовничките напади во Сирија и Ирак.
Коалицијата предводена од САД заедно со сојузот предводен од Курдите (Сириските демократски сили – СДФ) сè уште спроведуваат рации против Исламска држава во Сирија.
