Интервјуто ќе биде објавено на полноќ по средноевропско време.
Такер Карлсон, близок пријател на Доналд Трамп, кој долго време беше медиумска ѕвезда на каналот Фокс њуз, се упати во Москва на првото интервју што Путин го даде на западен новинар од почетокот на руската инвазија на Украина во февруари 2022 година.
Контроверзниот, но познат водител во САД неодамна беше отпуштен од Фокс Њуз и оттогаш води емисија на Икс (поранешен Твитер).
View this post on Instagram
Посетата на Карлсон, кој постојано ја критикуваше американската поддршка за Украина во последните месеци, опсежно е следена од страна на руските државни медиуми.
„Повеќето Американци се неинформирани, немаат поим што се случува во регионот, овде во Русија или на 950 километри во Украина. Тие треба да знаат затоа што тие самите финансираат голем дел од војната“, рече Такер Карлсон во видеото објавено во вторникот, во кое детално се наведуваат причините кои го поттикнале да поднесе барање за ова интервју.
Why I’m interviewing Vladimir Putin. pic.twitter.com/hqvXUZqvHX
— Tucker Carlson (@TuckerCarlson) February 6, 2024
Покрај Белата куќа, Џон Кирби во средата оцени дека интервјуто со Владимир Путин не е неопходно за да се разбере „бруталноста“ на рускиот претседател.
„Она што Путин го направи во Украина треба да биде очигледно за сите, како и измислените и смешни причини со кои се обидува да ги оправда“ своите постапки, соопштено е од канцеларијата на портпаролот на Советот за национална безбедност Џон Кирби.
Американскиот водител се пофали и дека е единствениот новинар кој изразил желба да разговара со рускиот претседател. Тврдењето е во спротивност со изјавите на Кремљ, кој тврди дека веќе добил барања од западните медиуми за интервјуа со Владимир Путин.
Но, за разлика од нив, Такер Карлсон има „став кој е во спротивност со оној на традиционалните англосаксонски медиуми“, изјави портпаролот на руското претседателство Дмитриј Песков.
Третманот што го ужива Карлсон е во контраст со ограничувањата за други странски новинари во Русија, каде што двајца американски новинари, Еван Гершкович и Алсу Курмашева, беа уапсени минатата година и сè уште се во притвор.
