„Не дозволуваме партиски активисти да се вработат на позиции на товар на џебот на граѓаните. Но се посветуваме на поефикасни услуги за граѓаните и пациентите. ДУИ се обидува да го заштити криминалот на своите директори кои ќе излезат од вонредните ревизии што ги најавуваме. Беа на власт и не знам зошто не ги регулираа нивните позиции и статусот на вработените, туку ги искористија за купување на гласови и сега леат крокодилски солзи“, рече Имери Стафаи по обвинувањата на Европскиот фронт дека министерот Арбен Таравари врши психолошки и институционален притисок до ниво на закани врз организациските директори, но и медицинските директори на клиниките иако имаат мандат, да се повлечат од функцијата.
Пратеничката одговарајќи на новинарско прашање нагласи дека нема основа за автентично толкување на Охридскиот договор.
„Тоа е само наратив е на Европскиот фронт кој го повторуваат на секоја прес-конференција и тоа го прават заради дневна политики. Но, ние продолжуваме со нашата работа како коалиција и во соработка со Владата. Рамковниот договор воопшто не е доведен во прашање и нема основа за негово автентично толкување, рече таа.
Пратеничката потоа одговори дека со ребалансот на буџетот, во општините со мнозинско албанско население ќе бидат инвестирани 30 милиони евра.
„Оваа инвестиција е важен чекор за подобрување на инфраструктурата, јавните услуги и квалитетот на животот на граѓаните. Оваа финансиска програма ќе вклучува различни развојни проекти насочени кон подобрување на патната инфраструктура, изградба и одржување на патишта за да се олесни циркулацијата и поврзувањето меѓу општините, зголемување на квалитетот на образованието, инвестиции во училишта, обука на наставниците за да се гарантира квалитетно образование за младите, подобрување на здравствените услуги, опремување на болниците и здравствените домови со модерна технологија и зголемување на капацитетите за напредни здравствени услуги, економски развој, поддршка за локални бизниси и нови економски иницијативи за стимулирање на создавање работни места и економски развој на регионот, заштита на животната средина, проекти за зачувување и заштита на животната средина за да се гарантира одржлива иднина за идните генерации“, рече Имери Стафаи.
