Струга беше блиску до изненадување и повелен резултат на првиот натпревар против Слован.
Шампионот на Словaчка влезе како голем фаворит, и брзо ја оправда ваквата улога, Вајс погоди за 1-0 во 16. минута, а Мак зголеми на 2-0 во 36. минута.
Сепак, Струга не се откажа и по десетина минути игра во второто полувреме, Ибраими изнуди и реализираше пенал за 2-1.
Ибраими потоа по втор пат се запиша во листата на стрелци и во 74. минута погоди за 2-2.
Goal: Besart Ibraimi | Slovan Bratislava 2-2 FC Strugapic.twitter.com/ccJ0T1Hd3o
— PushGoals (@PushGoals) July 10, 2024
Но сето ова падна во вода во финишот од мечот, голманот Дујмовиќ лошо процени една нафрлена топка, па Куцка со глава ја затресе мрежата и го врати Слован Братислава во водство од 3-2.
Goal: Juraj Kucka | Slovan Bratislava 3-2 FC Strugapic.twitter.com/CcCrH5WaES
— PushGoals (@PushGoals) July 10, 2024
Во првата минута од судиското надополнување, Куцка повторно скокна високо и по еден корнер погоди по втор пат за победа од 4-2.
Реваншот помеѓу Струга и Словен се игра за седум дена во Македонија.