„Израелската влада го користи гладувањето на цивилите како метод на војување во Појасот Газа. Светските лидери треба да зборуваат за ова тешко воено злосторство“, соопшти ХРВ. Израел рече дека ХРВ е „антисемитска и антиизраелска“ група која нема никакво морално право да го критикува Израел по „молкот“ за масакрот на израелските цивили на 7 октомври. „Целата нивна агенда е антиизраелска и не заслужува одговор“, изјави портпаролката на Министерството за надворешни работи Лиор Хајат.
Израел силно го отфрла намерното таргетирање на цивили и тврди дека за загубата на цивилните палестински животи исклучиво виновен е Хамас, кој се крие и делува во населени области. Израел посочува дека се обидува да ја олесни испораката на помош до невините, но и да спречи помошта да заврши во рацете на борците на Хамас кои оперираат од подземни тунели.
Премиерот Бенјамин Нетанјаху изјави дека ќе продолжи со воените операции до „апсолутна победа“, и покрај притисокот од странство да се намали интензитетот на борбите во Газа. Министерството за здравство на Газа под контрола на Хамас тврди дека досега во енклавата животот го загубиле 19.000 луѓе. Израел е решен да ги елиминира терористите на Хамас одговорни за масакрот на 1.200 цивили во заедниците и на музичкиот фестивал и киднапирањето на 240 луѓе.
