„Големата вест” на Ахмети потврдува дека ДУИ е безидејна партија која со предлози извадени од нафталин покажува целосна немоќ да ги претставува Албанците на највисоко политичко ниво, рече Хисени.
„Крајно понижувачки за митот за Али Ахмети е да излегува со вакви бајати тези во иднина изборот на шефот на државата да се прави во Собрание, само со цел да конкурира на предлогот на кандидатот на здружената албанска опозиција д-р Арбен Таравари. Тоа како прво. А второ, тие во ДУИ уште живеат во филмот дека имаат монопол на принципите за стратешкото партнерство во ЕУ и САД. Наместо да се мачат како да објаснат зошто Али Ахмети се плаши да излезе на изборен мегдан па затоа ќе го жртвуваат Бујар Османи, нека излезат од теснопартиските интереси и нека го подржат Арбен Таравари за прв претседател Албанец’, рече Хисени.
Според него, логично се поставува прашањето: зошто ДУИ сака да го подели гласот на Албанците.
„На кого му служи Али Ахмети со овој потег? Коалицијата Вреди не се бори за утешни награди туку за чесна и реална улога на Албанците во политичкиот живот. Ахмети ако веќе не е способен да се бори за интересите на Албанскиот народ, чесно е да замине во политичка пензија“, рече Хисени во името на коалицијата Вреди, која ја сочинуваат Алтернатива, Беса, Демократско движење и крилото на Таравари од Алијанса за Албанците.
