Динамо му ја уништи сезоната на Хајдук во период од само четири дена, и откако во саботата со 0-1 славеа на „Пољуд“ во првенството, вечерва „модрите“ со истиот резултат триумфираа во Купот на Хрватска и се пласираа во финале.
Ваквиот расплет не им се допадна на домашните навивачи, па припадниците на познатата „Торцида“ влетаа на теренот, и фудбалерите панично бегаа во соблекувалната.
Најрадикалните членови се обидоа и да се пресметата со гостинските навивачи од „Бед Блу Бојс“, но полицијата реагираше и не дозволи пресметка.
Од македонските интернационалци, во стартните постави на натпреваерот беше само Стефан Ристовски кај Динамо, Аријан Адеми воопшто не беше во протоколот, а Александар Трајковски влезе за Хајдук во 64. минута. Во 81. минута тој имаше и една шанса за израмнување, но не ја искористи.
