„Трамп мора да запомни дека постои договор кој двете страни мора да го почитуваат и само така ќе се вратат затворениците. Говорот со закани само ја комплицира ситуацијата“, изјави Абу Зухри за Ројтерс.
Трамп ги предупреди Палестинците дека „портите на пеколот ќе се отворат“ доколку израелските заложници не бидат ослободени во сабота како што е договорено во рамки на прекинот на огнот. Хамас го одложи ослободувањето на заложниците, обвинувајќи го Израел за кршење на условите од примирјето. Израел и Хамас постигнаа прекин на огнот во средината на јануари по повеќе од една година конфликт, наведе Гардијан.
Првата фаза од прекинот на огнот, од трите планирани, вклучува прекин на непријателствата, ослободување на дел од затворениците, повлекување на израелските сили од Газа и враќање на Палестинците во северниот дел на Газа, заедно со прилив на хуманитарна помош.
Втората фаза предвидува прекин на огнот за 42 дена. Во третата фаза Хамас ќе ги врати телата на загинатите заложници од Газа во Израел, Израел ќе ослободи уште затвореници, а треба да започне и петгодишен план за реконструкција.
