Заложниците – по име Ели Шараби, Ор Леви и Охад Бен Ами – беа предадени на Црвениот крст и однесени со нивни комбиња, откако борците на Хамас ги изнесоа пред толпа Палестинци.
Тие беа принудени да зборуваат на микрофон на бината пред жителите на Газа собрани на местото на предавањето.
Moments ago, 3 Israeli civilian hostages, Ohad, Or and Eli, were released by Hamas barbarians.
They’re skeletons, but alive.#Israel #Hamas #BringThemHome pic.twitter.com/3OdwFoei0U— Erez Neumark 🇮🇱🇧🇪 (@ErezNeumark) February 8, 2025
Мажите се предадени на израелската армија. По првичниот медицински преглед во воена установа, се очекува тие да бидат повторно обединети со своите семејства пред да бидат префрлени во болниците во централен Израел.
За време на првата шестнеделна фаза од договорот за прекин на огнот за ставање крај на војната во Газа, треба да бидат ослободени вкупно 33 израелски заложници во замена за 1.904 палестински затвореници во израелските затвори.
Israeli hostages, visibly starved and looking disoriented paraded across the Hamas stage at the hostage release and forced to SPEAK
— Emily Schrader – אמילי שריידר امیلی شریدر (@emilykschrader) February 8, 2025
Досега се ослободени 16 израелски заложници. Хамас ослободи и пет тајландски државјани, кои не беа вклучени во договорот. Израел ослободи 583 палестински затвореници.
Според договорот за прекин на огнот меѓу Израел и Хамас, кој е на сила од 19 јануари, Хамас мора 24 часа однапред да ги обезбеди имињата на заложниците кои ќе бидат ослободени. Според израелските информации, во Појасот Газа сè уште има вкупно 79 заложници, но се претпоставува дека 35 од нив се мртви.
