„Волците“ со специјални единици од уште 10 држави на воена вежба во Грција

Заврши десетдневната меѓународна воена вежба „Орион-24“ што се одржа на неколку локации во поширокиот дел на грчката област Атика во околината на Атина, а во која меѓу земјите учеснички беше и Македонија со припадниците од баталјонот на специјалните сили „Волци“, Во вежбата учествуваа единици од Македонија, САД, Франција, Романија Италија, Кипар, Бугарија, Австрија, Полска, Египет домаќинот Грција и Хрватска во улога на набљудувач. Воените специјалци ги прикажаа нивните оперативни способности на копно, во вода и воздух, во неколку конкретни и сложени сценарија. Учствуваа вкупно 1.120 специјалци, од кои околу 1.000 од Грција.