Протестна музика од Филхармонија пред Владата

Вработените во Македонска филхармонија денеска излегоа на нов протест, овојпат пред Владата, затоа што не слушнале конкретен став по одлуката новоформираниот Џез-оркестар просторно да биде сместен во објектот на оваа институција. Претседателот на Синдикатот на Филхармонија, Владимир Лазаревски, на протестот изјави дека оваа одлука уште не е променета, и иако побарале прием кај премиерот, уште не добиле никаков одговор. Филхармонија пред Владата дојде со инструментите и нотите, поставија шатор во случај да заврне, одржаа концерт. Колку слушнаа во Владата останува непознато.