Ковачевски ги повикува демократските сили на поддршка за европската иднина на Македонија

Претседателот на СДСМ Димитар Ковачевски ги повика сите демократски и прогресивни сили во државата да излезат на претседателските и на парламентарните избори на 8-ми мај и да дадат масовна поддршка за европската иднина на Македонија. „Немаме друг избор, мора да бидеме европска земја и нема друг начин како да се направат вистински и опипливи промени дома. Мора да имаме повисок стандард, подобри услови во здравството, европско образование и конечно, да се избориме со корупцијата и да воспоставиме владеење на правото во сите сфери“, рече Ковачевски.