Големото дерби меѓу Галатасарај и Фенербахче заврши нерешено. Натпреварот го судеше Славко Винчиќ од Словенија, а по дуелот Мурињо изрази задоволство од неговата арбитража.
Мурињо рече и дека во Галатасарај не се навикнати да имаат фер судење, па скокале како мајмуни на секоја одлука на судијата.
„По мечот му се заблагодарив на Славко Винчиќ за одличното судење. Ако судеше турски судија ќе беше комплетна катастрофа. На клупата на Галатасарај скокаа како мајмуни на секоја исправна одлука“, рече Мурињо.
José Mourinho: “After the match, I thanked Slavko Vincic for refereeing this great match-up. If it had been a Turkish referee, it would have been a complete disaster.”
“Galatasaray’s bench were jumping like monkeys after every right decision.” pic.twitter.com/zCywRGPcSI
— IM🇵🇹 (@Iconic_Mourinho) February 24, 2025
Ваквата изјава ги погоди луѓето од Галатасарај кој го обвинија Мурињо за расизам иако контекстот на изјава на Португалецот беше сосема поинаков.
„Тренерот на Фенербахче, Жозе Мурињо, постојано го навредува турскиот народ. Тоа го прави откако е дојден тука. Денес продолжи со нехуманите и неморални изјави. Сакаме да ве известиме дека ќе поднесеме кривична пријава против него, а ќе се обратиме и до ФИФА и УЕФА поради расистичките изјави на Жозе Мурињо“, се вели во соопштението на Галатасарај.
Генералниот секретар на Галатасарај, Ерај Јазган побара сите да го осудат Мурињо почнувајќи од неговиот клуб Фенербахче и неговите навивачи.
„Очекувам рекација на Фенербахче, навивачите на овој клуб, оние на Галата, Бешикташ, Коња, Трабзон … Сите треба да искажат протест и да направат се за оваа личност да ја добие својата казна. И новинарите треба да реагираат. Очекуваме реакција од сите кои се чувствуваат како Турци. Мене гласот ми трепери, лут сум“, рече Јазган.
Галатасарај важи за клуб кој е форсиран од судиите во Турција, неодамна Адана го напушти теренот поради скандалозна одлука. Затоа и меѓународен судијата го судеше овој меч.
