На некои луѓе им треба помалку сон за да функционираат нормално, додека на повеќето им требаат најмалку осум часа. Но, важно е да се знае дека препораките за возрасни се најмалку седум часа, а сонот е многу важен за нашето здравје.
Многу луѓе се будат со силен аларм кој им го прекинува спиењето и ги потсетува да станат и да се подготват за работа. Но, некои луѓе имаат посебна способност да се разбудат во вистинско време, без аларм, феномен кој се нарекува „прецизно будење“.
Експертот за спиење Роберт Стикголд објасни дека ова се однесува на луѓе кои се будат една минута пред да им се вклучи алармот, па дури и ако го постават алармот за порано, повторно се будат пред него. Сепак, тој додаде дека иако тоа им се случува на многу луѓе, експертите за спиење сметаат дека тоа е и „невозможно“ и „научна мистерија“.
Иако се чини дека телото може да одржува релативно рутински распоред за спиење, тешко е да се објасни способноста на некои луѓе да се будат кога сакаат.
Јан Борн, професор по бихејвиорална невронаука на Универзитетот во Тибинген, Германија, го проучувал овој феномен за да види дали може да се докаже, иако не може целосно да се објасни.
Во истражувањето учествувале 15 лица кои обично се будат помеѓу 7 и 7 часот и 30 минути. Тие биле сместени во лабораторија за спиење во две групи. На едната група ѝ било кажано дека ќе се разбудат во 6 часот, а на другата во 9 часот наутро. Првата група се разбудила во 6 часот, иако не биле подготвени за тоа.
Истражувачите забележале дека хормоните кои го подготвуваат телото за будење почнале да се ослободуваат околу 5 часот за првата група, како да знаеле дека ќе станат за еден час и процесот треба да започне.
Иако овие луѓе станале во време кога нивниот биолошки часовник не бил подготвен, нивните тела почнале да се подготвуваат за будење затоа што им било кажано дека ќе станат во 6 часот, пренесува Ладбајбл.
„Познато е дека во мозокот постои механизам кој можете да го користите за да влијаете на вашето тело и мозок додека спиете“, изјави професор Борн.
