„Албанец премиер е реалност, а реалност ќе биде и изборот на претседателот на државата во Собрание со 2/3 мнозинство на гласови и со Бадентерово мнозинство. 2/3 мнозинство обезбедува општествен, натпартиски консензус со над 80 гласови во Собранието.
Додека Бадентеровото мнозинство обезбедува и етнички консензус за да се спречи етничко надгласување и наметнување на волјата само на двете поголеми македонски политички партии.
ВМРО- ДПМНЕ и губитничката, Гордана Силјановска и денес не се оградија од Русија и не се построија кон Европа.
Затоа, граѓаните треба да го концентрираат својот глас за најстабилната партија при што ќе се постигне целта и ќе се спречи Русија и руското влијание кое ја зафати нашата економија, критичната инфраструктура, политичките партии, медиумите, верските заедници, граѓанското општество и има за цел да го дестабилизира нашето кревко мултиетничко, мултирелигиозно и мултикултурно општество за промовирање на домино ефект низ целиот регион“, се вели во реакцијата на ДУИ.
