Николовски кога престојувал во странство, рече Петрушевски, веројатно сакал да престојува и патува со стил. Обвини дека со народни пари плаќал скапи хотели и по неколку стотина евра од вечер.
„Сѐ е полесно кога си министер од СДС, пред камери зборуваш за народот и социјална правда, а зад камери јадеш скапи јадења со државни пари и спиеш по хотели со пет звезди кои чинат неколку стотина евра за вечер. Љупчо Дон Николовски за 6 ноќевања во САД потрошил 2.850 евра само за хотели. Плаќал хотелска соба по 500 евра во Њу Јорк и Вермонт, а 450 евра во Чикаго. Во Италија, во Рим, Дон Николовски плаќал 300 евра за хотел од вечер. По примерот на Бисера Антоанета и Дон Николовски се луксузирал во Виена, за две ноќевања со државни пари се платени 670 евра. И кога патувал во соседството, како во Бугарија, Дон Николовски исто патувал луксузно, за хотел во Софија за една ноќ платил 150 евра. Ова се министрите од СДС. Ова е Дон Николовски кој имаше десетици милиони неисплатени субвенции. Заради ова велиме дека државата е ограбена“, рече Петрушевски.
