Интер без преголеми потешкотии ја реши својата задача и го совлада Монако со 2-0 (2-0), обезбедувајќи си го местото меѓу осумте најдобри. Двоен стрелец за „нераѕурите“ беше Лаутаро Мартинез кој во првиот дел двапати реализира.
Спротивно на градскиот ривал, неверојатно лош натпревар одигра Милан и загуби од Динамо Загреб (2-1) со што остана без место во топ осум. Поведе домаќинот на „Максимир“ преку Матео Батурина во 19. минута, а потоа Јунус Муса доби и црвен картон. До полувремето немаше резултатски промени, за во вториот дел „росонерите“ да израмнат преку Кристијан Пулишиќ. Имаше Динамо два поништени гола пред Марко Пјаца да го врати водството (2-1) по еден час игра. Победата на Динамо Загреб на крајот се покажа како пирова бидејќи поради лошата гол разлика не успеаа да се пласираат во нокаут фазата од елитното натпреварување.
Пораз претрпе и Јувентус од екипата на Бенфика среде Торино (0-2). Со головите на Вангелис Павлидис и Орхан Кокчу португалскиот тим стигна до победата. Од италијанските екипи Болоња одигра нерешено против Спортинг (1-1).
Дерби дуел одиграа Барселона и Аталанта, а на крајот немаше победник (2-2). Имаше тимот од Бергамо поништен гол во финишот на првиот дел. Ламин Јамал на стартот на продолжението го отвори резултатот (1-0), а потоа Едерсон успеа да израмни на 1-1. Сепак, Роналд Араухо по асистенција на Рафиња стрела за ново водство. Израмнување за Аталанта донесе Марио Пашалиќ, па до крајот успеа и да го одбрани тоа.
Триумфално низ Франција мина Реал Мадрид, совладувајќи го Брест со 0-2. Бразилскиот напаѓач Родриго го отвори резултатот, додека Џуд Белингем донесе двојна предност во вториот дел.
Победа за крај на европската авантура забележа Црвена Звезда кај Јанг Бојс (0-1) со голот на Гејлор Канга.
Резултати:
Астон Вила – Селтик 4-2
Барселона – Аталанта 2-2
Баер Леверкузен – Спарта Прага 2-0
Баерн Минхен – Слован Братислава 3-1
Борусија Дортмунд – Шахтар 3-1
Брест – Реал Мадрид 0-3
Динамо Загреб – Милан 2-1
Жирона – Арсенал 1-2
Интер – Монако 3-0
Јувентус – Бенфика 0-2
Лил – Феенорд 6-1
Манчестер Сити – Клуб Бриж 3-1
ПСВ – Ливерпул 3-2
Салцбург – Атлетико Мадрид 1-4
Спортинг – Болоња 1-1
Штурм – Лајпциг 1-0
Штутгарт – ПСЖ 1-4
Јанг Бојс – Црвена звезда 0-1
